WALENSTADIUM

WALENSTADIUM

quasi Italorum statio, hos enim Germani Walen vocant, oppid. est Helvetiae, in praefectura Sarunegaunensi, ad lacum Rivarium, qui hinc Walensee, vel Walenstatter see Germ. dicitur. Hîc videtur, adversus Rhaetorum irruptiones, custodias collocâsse Tiberius. Ibidem Rhaetorum causae disceptari solent. sicut septem antiquorum Pagorum, in coenobio Eremitano: Bernens. et trium Pagorum, in loco das Kienholtz: Tigurin. et Bernatium Zofingae: Glaronensium et Uraniorum Merchae: eorundem et Suitiorum Bergerae. eorundem et Under Waldiorum Brunnae: Friburgensium et Soloduriorum, si cum 8. Pagis lites habent, Zofingae et Wilisovii: Basiliensium, scaphusianorum et Abbatiscellanorum, Badae, etc. Simler. descript. Helv.